Pawan Kalyan:డిప్యూటీ సీఎం పవన్ పర్యటనలో అపశృతి
దిశ,వెబ్‌డెస్క్: ఏపీ డిప్యూటీ సీఎం పవన్ కల్యాణ్(Deputy CM Pawan Kalyan) పర్యటనలో అపశృతి చోటు చేసుకుంది. అటవీ శాఖ అమరుల సంస్మరణ సభకు నేడు(ఆదివారం) డిప్యూటీ సీఎం పవన్ కల్యాణ్ హాజరయ్యారు. గుంటూరులో ఈరోజు జరిగిన అరణ్యభవన్‌లో అటవీ అమరవీరుల సంస్మరణ సభ(Forest Martyrs Remembrance House) నిర్వహించిన విషయం తెలిసిందే. ఈ క్రమంలో పవన్ కల్యాణ్ కోసం రహదారిని పోలీసులు బ్లాక్ చేశారు. పవన్ కాన్వాయ్ పోలీసుల వాహనంతో కలెక్టర్ బంగ్లా రోడ్డు నిండిపోయింది.
చిలకలూరిపేట నుంచి ఓ రోగినీ గుంటూరులోని ఆస్పత్రికి(Hospital) అంబులెన్స్‌లో తరలిస్తున్నారు. దారి లేక అంబులెన్స్ నిలిచిపోయింది. శ్వాస సంబంధిత ఇబ్బందితో రోగి బాధపడుతున్నట్లు బాధితులు చెప్పారు. శ్వాస అందక అంబులెన్స్ సిబ్బంది సీపీఆర్ చేయాల్సిన పరిస్థితి వచ్చింది. ముందుగానే అంబులెన్స్‌కు దారి ఇచ్చుంటే ప్రమాదం జరిగి ఉండదనే విమర్శలు వెల్లువెత్తుతున్నాయి. కొద్ది సమయం తర్వాత అంబులెన్స్‌కు పోలీసులు దారి ఇచ్చారు. పవన్ కళ్యాణ్(Pawan Kalyan) పర్యటనకు అధికారుల ఏర్పాట్ల పై ఇప్పటికే విమర్శలు వస్తున్నట్లు సమాచారం.
