చంద్రబాబు అరెస్ట్.. డైరెక్టర్ రవిబాబు సంచలన వ్యాఖ్యలు

దిశ, వెబ్‌డెస్క్: స్కిల్ స్కామ్ కేసులో టీడీపీ అధినేత చంద్రబాబును ఏపీ సీఐడీ పోలీసులు అరెస్ట్ చేసిన విషయం తెలిసిందే. ఇక, చంద్రబాబు అరెస్ట్ వ్యవహారంపై టాలీవుడ్ డైరెక్టర్ రవిబాబు సంచలన వ్యాఖ్యలు చేశారు. సినిమాల్లో గ్లామర్, రాజకీయాల్లో పవర్ శాశ్వతం కాదన్నారు. అలాగే చంద్రబాబు నాయుడుకి వచ్చిన కష్టాలు కూడా శాశ్వతం కాదన్నారు. రామానాయుడు ఫ్యామిలీ, చంద్రబాబు నాయుడు ఫ్యామిలీ తమ కుటుంబానికి సన్నిహితంగా ఉంటారన్నారు. చంద్రబాబు నాయుడు ఏ అంశంలోనైనా వంద రకాలుగా ఆలోచించి నిర్ణయాలు తీసుకుంటారన్నారు. భూమి మీద ఈ రోజు లాస్ట్ డే అని చంద్రబాబుకు తెలిసిన 50 ఏళ్లకు సోషల్ డెవలప్ మెంట్ గురించి ప్లాన్స్ వేస్తారన్నారు.

డబ్బుపై ఆశలేని వ్యక్తిని ఎలాంటి ఆధారాలు లేకుండా జైలులో పెట్టి ఎందుకు వేధిస్తున్నారో అర్థం కావడం లేదన్నారు. రాజకీయాల్లో ఎత్తులు, పై ఎత్తులు సహజం అని, కానీ 73 ఏళ్ల వ్యక్తిని జైలులో పెట్టి వేధించడం సరికాదన్నారు. అశాశ్వతంగా అధికారంలో ఉన్న వారికి తాను ఓ రిక్వెస్ట్ చేస్తున్నానన్నారు. ఏ పవర్ ను ఉపయోగించి చంద్రబాబును జైలులో పెట్టించారో అదే పవర్ ఉపయోగించి ఆయనను బయటకు తేవాలన్నారు. బయట ఉంచి విచారణ చేయాలని చంద్రబాబు దేశాన్ని వదిలి ఎక్కడికి పారిపోరన్నారు. చరిత్ర మిమ్మల్ని ఎలా గుర్తుంచుకోవాలో మీరే తేల్చుకోవాలని వైఎస్ జగన్‌ను ఉద్దేశించి కామెంట్ చేశారు.