‘ఆరడుగుల అబద్ధానికి నిదర్శనం చంద్రబాబు’..వైసీపీ నేత సెన్సేషనల్ కామెంట్స్?

దిశ,వెబ్‌డెస్క్: ఏపీలో టీడీపీ కూటమి ప్రభుత్వం ఏర్పాటైంది. ఈ ఎన్నికల్లో వైసీపీ ఘోర పరాజయాన్ని చవిచూసింది. ఈ క్రమంలో వైసీపీ, టీడీపీ మధ్య మాటల యుద్ధం కొనసాగుతోంది. వైసీపీ నేత పేర్ని నాని నేడు సీఎం చంద్రబాబుపై సంచలన వ్యాఖ్యలు చేశారు. ప్రజలను మోసం చేసి కూటమి అధికారంలోకి వచ్చిందని వైసీపీ నేత పేర్ని నాని ఆరోపించారు. ‘ఆరడుగుల అబద్ధానికి చంద్రబాబే నిదర్శనమని’ ఎద్దేవా చేశారు. ఎన్నికల సమయంలో ఇచ్చిన హామీలను కూటమి ప్రభుత్వం ఇంక ఎందుకు నెరవేర్చడం లేదని ప్రశ్నించారు. ఈ క్రమంలో చంద్రబాబు ఇచ్చే ఉచిత ఇసుకలో ఉచితం ఉండదు అన్నారు. ‘అమ్మకు వందనం అంటారు..పిల్లలకు పంగనామం’ పెడతారు. హామీల అమలును మరిచి తప్పుడు ప్రచారాలు చేస్తున్నారని పేర్ని నాని ఫైరయ్యారు. పోలవరాన్ని నాశనం చేసింది చంద్రబాబే అన్నారు. తప్పుడు లెక్కలతో ప్రజలను మభ్య పెడుతున్నారు అని ఆయన మండిపడ్డారు.