Bapatla: షార్ట్ సర్క్యూట్ తో కాలేజీ బస్సు దగ్ధం.. బస్సులో 30 మంది విద్యార్ధులు
దిశ, వెబ్ డెస్క్: షార్ట్ సర్క్యూట్(Short Circuit) తో కాలేజీ బస్సు(College Bus) దగ్ధమైన ఘటన బాపట్ల జిల్లా(Bapatla District)లో జరిగింది. నర్సింగ్ విద్యార్థులకు(Nursing College) గుంటూరు(Guntur)లో పరీక్ష ఉండటంతో ఐఆర్‌ఈఎఫ్‌ నర్సింగ్ కాలేజీ(IREF Nursing College)కి సంబంధించిన విద్యార్థులు కాలేజీ బస్సులో వెళుతున్నారు. బస్సు చెరుకుపల్లి(Cherukupally) మండలం గూడవల్లి(Gudavalli) వద్దకు రాగానే షార్ట్ సర్క్యూట్ కు గురైంది. దీంతో ఒక్కసారిగా బస్సులో మంటలు చెలరేగాయి. అదే సమయంలో బస్సులో 30 మంది విద్యార్ధులు ప్రయాణిస్తున్నారు. బస్సులో పొగ వాసన రావడాన్ని గుర్తించిన విద్యార్థులు అప్రమత్తమై బస్సు దిగి పరుగులు తీశారు. దీంతో పెద్ద ప్రమాదం తప్పినట్టు అయ్యింది. ఇది గమణించిన డ్రైవర్ బస్సును హైవే పక్కకు తీసుకెళ్లి నిలిపివేశాడు. అనంతరం స్థానికులు అగ్నిమాపక సిబ్బందికి సమాచారం అందించారు. రేపల్లె ఫైర్ అధికారులు సంఘటనా స్థలానికి చేరుకునే లోపే బస్సు పూర్తిగా దగ్ధం అయ్యింది.
