poonam kaur: ఈ సమయంలో నాయకుడు ప్రజల వద్ద లేకపోతే అవకాశవాదే.. పూనమ్ సంచలన ట్వీట్
దిశ, సినిమా: సోషల్ మీడియాలో ఎక్కడ చూసిన వరద ప్రభావిత ప్రాంతాలకు సంబంధించిన వీడియోలో దర్శనమిస్తున్నాయి. మరీ ముఖ్యంగా విజయవాడలో వరదల వల్ల నీట మునిగిన ప్రాంతాల ప్రజలు ఆహారం, త్రాగు నీరు లేక నానా అవస్థలు పడుతున్నారు. రెండు తెలుగు రాష్ట్రాల్లో భారీ వర్షాలు రావడంతో ఎంతోమంది వరదల్లో కొట్టుకుపోయి ప్రాణాలు విడిచిన పరిస్థితులు కూడా ఏర్పడ్డాయి. ఈ క్రమంలో.. ఏపీ సీఎం చంద్రబాబు (Chandrababu) వరద ప్రభావిత ప్రాంతాల్లో పగలు రాత్రి అని తేడా లేకుండా తిరుగుతూ ఏం భయపడకండి అందరినీ కాపాడుతాను అని ప్రజల్లో ధైర్యాన్ని నింపుతున్నారు. అంతేకాకుండా ఇబ్బంది పడుతున్న వారికి డ్రోన్ల ద్వారా నీరు, ఆహారం అందిస్తున్నారు.
ఇక సినీ ప్రముఖులు కూడా తమ వంతు సాయం అందిస్తూ వరద బాధితులకు అండగా నిలుస్తున్నారు. తాజాగా, పూనమ్ (poonam kaur) ట్విట్టర్ వేదికగా ఓ సంచలన ట్వీట్ చేసింది. ‘‘ఇలాంటి సమయంలో రాజకీయ నాయకుడు బయటకు రాకుండా.. ప్రజల వద్ద లేకపోతే ఎలా. కేవలం మాటల నాయకుడు.. చేతల నాయకుడు కాదని అంటారు. అలాంటి లీడర్ అవకాశవాది అవుతాడు’’ అని రాసుకొచ్చింది. ప్రజెంట్ పూనమ్ (poonam kaur) పోస్ట్ సోషల్ మీడియాలో వైరల్ అవుతుండగా.. పవన్ (Pawan) గురించే పెట్టిందని చర్చించుకుంటున్నారు. కానీ పవన్ ఫ్యాన్స్ మాత్రం నువ్వొక ఫేడ్ అవుట్ అయిన హీరోయిన్ నీకేం పని లేదా? అని కౌంటర్లు వేస్తున్నారు. అలాగే ఈరోజు మా డిప్యూటీ సీఎం (Pawan) ప్రజల్లో పర్యటించడంతో పాటు కోటి రూపాయలు విరాళం అందించారు అని పోస్టులు పెడుతున్నారు.
Read More..
కోటి రూపాయల విరాళం ప్రకటించిన పవన్ కల్యాణ్
