నిరుద్యోగులకు భారీ శుభవార్త.. 720 గ్రూప్-2 ఉద్యోగాల భర్తీకి త్వరలో నోటిఫికేషన్

దిశ, వెబ్‌డెస్క్: ఏపీలోని నిరుద్యోగులకు రాష్ట్ర ప్రభుత్వం భారీ గుడ్‌న్యూస్ అందించింది. గ్రూప్-2లో 212 పోస్టులను పెంచుతూ నిర్ణయం తీసుకుంది. గతంలో 508 గ్రూప్-2 పోస్టుల భర్తీకి ప్రభుత్వం ఆమోదం తెలిపింది. అయితే పోస్టుల సంఖ్యను పెంచాలని నిరుద్యోగుల నుంచి పెద్ద ఎత్తున డిమాండ్లు వచ్చాయి. వీరి డిమాండ్‌ను పరిశీలించిన సర్కార్.. అదనంగా 212 పోస్టులను కూడా చేరుస్తూ జీవో విడుదల చేసింది. దీంతో మొత్తం గ్రూప్-2 పోస్టుల సంఖ్య 720కి చేరుకుంది.

ఉద్యోగాల భర్తీ ప్రక్రియను వెంటనే మొదలుపెట్టాలని ఏపీపీఎస్సీకి ఆదేశాలు జారీ చేసింది. జూనియర్ అసిస్టెంట్ స్థాయిలో ఈ ఉద్యోగాలను భర్తీ చేసేందుకు అనుమతి మంజూరు చేసింది. ప్రభుత్వం ఆమోదం తెలపడంతో అధికారులు త్వరలోనే భర్తీ ప్రక్రియను మొదలుపెట్టనున్నారు. మరి కొద్దిరోజుల్లోనే నోటిఫికేషన్ విడుదల చేసేందుకు ఏపీపీఎస్సీ కసరత్తులు చేస్తోంది. దీంతో గ్రూప్-2 ఉద్యోగాల కోసం ఎదుచూస్తున్నవారు పరీక్షలకు ప్రిపరేషన్ మొదలుపెడుతున్నారు.