విజయనగరం రైలు ప్రమాద మృతుల కుటుంబాలకు ఎక్స్‌గ్రేషియా ప్రకటించిన ఏపీ ప్రభుత్వం

దిశ, వెబ్‌డెస్క్: విజయనగరం రైలు ప్రమాద మృతుల కుటుంబాలకు ఏపీ ప్రభుత్వం ఎక్స్‌గ్రేషియా ప్రకటించింది. మృతుల కుటుంబాలకు రూ.10 లక్షల ఎక్స్‌గ్రేషియా అందించనున్నట్లు వెల్లడించింది. వెంటనే ఈ సహాయాన్ని బాధితుల కుటుంబాలకు అందించాలని అధికారులను సీఎం జగన్ ఆదేశించారు. అటు ఈ ఘటనలో మృతుల సంఖ్య పెరుగుతూనే ఉంది. తొమ్మిది మంది మృతి చెందగా.. పలువురికి గాయాలయ్యాయి. క్షతగాత్రులను అంబులెన్స్‌లలో ఆస్పత్రికి తరలిస్తున్నారు.

మృతుల సంఖ్య మరింత పెరిగే అవకాశముంది. ఈ ఘటనపై టీడీపీ జాతీయ ప్రధాన కార్యదర్శి నారా లోకేష్ కూడా స్పందించారు. సహాయక చర్యల్లో టీడీపీ శ్రేణులు పాల్గొనాలని పిలుపునిచ్చారు. కాగా ఈ ఘటనలో మూడు బోగీలు నుజ్జునుజ్జు అయ్యాయి. రైలు ఘటన నేపథ్యంలో విజయనగరం వైపు వెళ్లే పలు రైళ్లను అధికారులు మూసివేశారు.