Ap Results: భారీ మెజార్టీ దిశగా పవన్, చంద్రబాబు.. ఎన్ని ఓట్లు వచ్చాయంటే!

దిశ, వెబ్ డెస్క్: ఏపీ ఎన్నికల కౌంటింగ్ ప్రక్రియ కొనసాగుతోంది. తొలుత పోస్టల్ బ్యాలెట్, ఆ తర్వాత ఈవీఎం ఓట్ల లెక్కింపును ఎన్నికల సిబ్బందిని ప్రారంభించారు. ఈ లెక్కింపుల్లో కూటమి అభ్యర్థులు స్పష్టమైన మెజార్టీతో దూసుకుపోతున్నారు. మురీ ముఖ్యంగా చంద్రబాబు, పవన్ కల్యాణ్ భారీ మెజార్టీ దిశగా కొనసాగుతున్నారు. ఇప్పటివరకూ పవన్ కల్యాణ్‌కు పిఠాపురంలో 10 వేలకుపై చిలుకు ఓట్లు వచ్చాయి. ఇక కుప్పంలో చంద్రబాబు 6 వేలకు పైగా ఓట్లు వచ్చాయి. దీంతో అధినేతలిద్దరూ భారీ మెజార్టీతో గెలవబోతున్నారని ఆ పార్టీ నాయకులు చెబుతున్నారు. ప్రస్తుతం 175 అసెంబ్లీ, 25 పార్లమెంట్ నియోజకవర్గాల్లో ఓట్ల లెక్కింపు కొనసాగుతోంది. చివరి వరకూ ఫలితాలు ఎలా ఉంటాయో చూడాలి.