గోశాలలో తెల్లతాచు పాము హల్ చల్

దిశ, డైనమిక్ బ్యూరో : ఉమ్మడి పశ్చిమగోదావరి జిల్లా జంగారెడ్డిగూడెంలో తెల్ల తాచుపాము హల్ చల్ చేసింది. గోశాలలోకి ప్రవేశించి బుసలు కొట్టింది. దీంతో భయాందోళన చెందిన స్థానికులు స్నేక్ సేవియర్ సొసైటీ నిర్వాహకులకు ఫోన్ చేయడంతో అతను చాకచక్యంగా పామును బంధించాడు. దీంతో అంతా ఊపిరి పీల్చుకున్నారు. వివరాల్లోకి వెళ్తే ఏలూరు రోడ్డు జీడిపిక్కల ఫ్యాక్టరీ సమీపంలో గొశాల ఉంది. ఈ గోశాలలోకి ఏడు అడుగుల భారీ తెల్ల తాచుపాము ప్రవేశించింది. గోశాలలోకి ప్రవేశించిన అనంతరం బుసలు కొడుతూ హల్‌చల్ చేసింది. దీంతో భయాందోళన చెందిన స్థానికులు స్నేక్ సేవియర్ సొసైటీ నిర్వాహకులు క్రాంతికి ఫోన్ చేశారు. దీంతో వెంటనే అక్కడకు చేరుకున్న క్రాంతి తెల్ల తాచుపాము ను చాకచక్యంగా పట్టుకున్నారు. చాలా అరుదుగా తెల్లతాచు కనిపిస్తూ ఉంటుంది. దీంతో ఈ తెల్లతాచును చూసేందుకు స్థానికులు తరలివచ్చారు. అనంతరం పామును క్రాంతి మరల గూడెం అడవి అటవీ ప్రాంతంలో వదలేశారు.