Breaking: గూడూరులో భారీ అగ్నిప్రమాదం

దిశ, వెబ్ డెస్క్: తిరుపతి జిల్లా గూడూరులో భారీ అగ్నిప్రమాదం జరిగింది. ఫ్యాన్సీ దుకాణంలో ఒక్కసారిగా మంటలు చెలరేగాయి. బిల్డింగ్‌లోని మూడు అంతస్థులకు సైతం మంటలు అంటుకున్నాయి. దీంతో స్థానికుల ఫైర్ సిబ్బందికి సమాచారం అందజేశారు. వెంటనే స్పందించిన అగ్నిమాపక సిబ్బంది ఘటనా స్థలంలో ఫైరింజన్‌తో మంటలను అదుపు చేస్తున్నారు. మంటలు పక్కనున్న షాపులకు అంటుకోకుండా జాగ్రత్తలు తీసుకున్నారు. అయితే కాంప్లెక్స్‌లో ఫ్యాన్సీ వస్తువులు ఉండటంతో మంటలు అంతకంతకు ఎగిసిపడుతున్నాయి. అంతేకాదు ఒక్కసారిగా పొగ కమ్ముకుంది. దీంతో స్థానికులు భయాందోళనకు గురవుతున్నారు. విద్యుత్ షార్ట్ సర్క్యూట్ వల్లే ప్రమాదం జరిగినట్లు ప్రాథమికంగా అంచనా వేశారు. మంటలను అదుపు చేసిన తర్వాత ఆస్తి నష్టాన్ని అంచనా వేయనున్నారు.