గుంటూరు జిల్లాలో తీవ్ర విషాదం.. కాలువలో కారు కొట్టుకుపోయి ముగ్గురు మృతి

దిశ, వెబ్ డెస్క్: గుంటూరు జిల్లాలో భారీ వర్షం కురుస్తోంది. దీంతో వాగులు, వంకలు, కాలువలు పొంగిపొర్లుతున్నాయి. లోతట్టు ప్రాంతాల్లోకి భారీగా వర్షపు నీరు చేరింది. పెదకాకాని మండలం ఉప్పలపాడు-గోళ్లమూడి వద్ద కాలువ ఒక్కసారిగా పొంగింది. ఈ వరద ఉధృతిలో కారు కొట్టుకుపోయింది. ఈ ఘటనలో ముగ్గురు ప్రయాణికులు మృతి చెందారు. సమాచారం తెలుసుకున్న స్థానిక అధికారులు కాలువలో నుంచి కారును బయటకు తీశారు. మృతులు రాఘవేంద్ర, సాత్విక్, మాన్విక్‌గా గుర్తించారు. టీచర్ ఫ్యామిలీ వీవీటీ కాలేజీ నుంచి ఇంటికి వెళ్తుండగా ఘటన జరిగింది. మృతదేహాలను పోస్టుమార్టంకు తరలించారు. కేసు నమోదు చేసి దర్యాప్తు చేస్తున్నారు. వర్షాలు పడుతున్నందన ప్రజలు, వాహనదారులు అప్రమత్తంగా ఉండాలని సూచించారు.