అమెరికా అధ్యక్ష అభ్యర్థిత్వ రేసు.. సెకండ్ ప్లేస్లో వివేక్
రిపబ్లికన్ పార్టీ తరఫున అమెరికా అధ్యక్ష అభ్యర్థిత్వ రేసులో భారత సంతతికి చెందిన వివేక్ రామస్వామి దూసుకుపోతున్నారు.
వాషింగ్టన్ : రిపబ్లికన్ పార్టీ తరఫున అమెరికా అధ్యక్ష అభ్యర్థిత్వ రేసులో భారత సంతతికి చెందిన వివేక్ రామస్వామి దూసుకుపోతున్నారు. ప్రస్తుతం ఈ పోటీలో అమెరికా మాజీ ప్రెసిడెంట్ డొనాల్డ్ ట్రంప్ మొదటిస్థానంలో ఉండగా, సెకండ్ ప్లేస్లో వివేక్ ఉన్నారు. రిపబ్లికన్ పార్టీ అధ్యక్ష అభ్యర్థిత్వ ఆశావహుల జాబితాలో రామస్వామి ర్యాంకు మూడు నుంచి రెండుకు చేరింది. ఇటీవల నిర్వహించిన రిపబ్లికన్ పార్టీ ప్రైమరీ పోల్స్లో ఈ విషయం వెల్లడైంది. 39 శాతం ప్రాథమిక ఓట్లతో డొనాల్డ్ ట్రంప్ మొదటి స్థానంలో, 13 శాతం ప్రాథమిక ఓట్లతో వివేక్ రామస్వామి రెండో స్థానంలో, భారత సంతతికి చెందిన మరో అభ్యర్థి నిక్కీహెలీ 12 శాతం ఓట్లతో మూడో స్థానంలో ఉన్నారు.