ఉత్తర కొరియా‌లో మొట్టమొదటి ''కరోనా'' కేసు నమోదు

దిశ, వెబ్ డెస్క్: ప్రపంచవ్యాప్తంగా కల్లోలం సృష్టించిన కరోనా మహమ్మారి.. విపరీతమైన ఆంక్షల వల్ల ఉత్తర కొరియా లో మాత్రం ప్రభావం చూపలేదు. అయితే ప్రపంచ వ్యాప్తంగా వివిధ వేరియంట్స్, నాలుగో వేవ్ నడుస్తూ తగ్గుముఖం పట్టింది. ఈ తరుణంలో ఉత్తర కొరియా లో మొట్టమొదటి COVID-19 కేసు నమోదు అయింది.

దీంతో అప్రమత్తమైన కిమ్ జోంగ్-ఉన్ దేశంలోని అన్ని నగరాలు, కౌంటీలను తమ ప్రాంతాల్లో ''కచ్చితంగా లాక్ డౌన్'' విధించాలని ఆదేశించారు. అలాగే ఆ దేశ మీడియా దీనిని ''అతి పెద్ద ఎమర్జెన్సీ సంఘటన'' అని పేర్కొంది. ప్యోంగ్యాంగ్ నగరంలో ఓమిక్రామ్ వైరస్ వేరియంట్ ను గుర్తించినట్లు అధికారులు వెల్లడించారు.