ఆసక్తిగా 'ఏక్ విలన్-2' ఫస్ట్‌లుక్ పోస్టర్..

దిశ, వెబ్‌డెస్క్: బాలీవుడ్ హీరో సిద్ధార్థ్ మల్హోత్ర, శ్రద్ధా కపూర్ హీరోయిన్‌గా, మోహిత్ సూరి దర్శకత్వంలో వచ్చిన సినిమా 'ఏక్ విలన్'. ఈ సినిమా 2014లో విడుదలై మంచి విజయం సాధించింది. దీంతో దీనికి సీక్వెల్‌గా 'ఏక్ విలన్-2' తెరకెక్కిస్తునట్లు ప్రకటించిన విషయం తెలిసిందే. కానీ, ఇందులో ఎవరు నటించనున్నారనే విషయాన్ని మాత్రం ఇంతకాలం గోప్యంగా ఉంచారు. సుమారు ఎనిమిదేళ్ల తర్వాత నిరీక్షణకు తెరదింపారు.

తాజాగా,ఏక్ విలన్2లో నటించే నటీనటులను బయటపెట్టారు. ఇందులో అర్జున్‌ కపూర్, జాన్‌ అబ్రహం, దిశా పటానీ, తారా సుతారియా కీలక పాత్రలు పోషిస్తున్నారు. దీనికి సంబంధించిన పోస్టర్లను 'విలన్ల లోకంలో హీరోలకు చోటులేదు' అనే క్యాప్షన్‌తో విడుదల చేశారు మేకర్స్. దీంతో నటీనటుల ఎవరికి సంబంధించిన పోస్టర్‌ను వారు వారి సోషల్ మీడియా ద్వారా అభిమానులతో పంచుకున్నారు. ఈ సినిమా జులై 29న ప్రేక్షకుల ముందుకు రానుంది.