8 నుండి 10శాతం మధ్య పెరగనున్న ఫుట్‌వేర్ పరిశ్రమ వృద్ధి

దిశ, వెబ్‌డెస్క్: భారతదేశ పాదరక్షల పరిశ్రమ 2023 ఆర్థిక సంవత్సరంలో 8 నుండి 10 శాతం ఆదాయ వృద్ధితో కరోనా ముందు స్థాయికి చేరుకుంటుందని రేటింగ్ ఏజెన్సీ ICRA అంచనా వేయడం జరిగింది. 2022 ప్రారంభంలో రికవరీ పెరిగినప్పటికీ Omicron వేరియంట్ వ్యాప్తి ప్రతికూల నష్టాలను కలిగిస్తుందని ICRA తెలిపింది. FY22లో వార్షిక ఆదాయ వృద్ధి 20-25 శాతంగా ఉన్నప్పటికీ, ఇది కోవిడ్-పూర్వ స్థాయిలతో పోలిస్తే ఇప్పటికీ దాదాపు 7-10 శాతం తక్కువగా ఉంది. ICRA ప్రకారం.. పెద్ద, లిస్టెడ్ ఫుట్‌వేర్ కంపెనీల ఆర్థిక స్థితి, ఆరోగ్యకరమైన ఆన్-బ్యాలెన్స్ షీట్ లిక్విడిటీ, తక్కువ ఆర్థిక పరపతితో బలంగా ఉంది. కంపెనీలు ఫ్రాంచైజీ మార్గం ద్వారా టైర్ 3 పట్టణాలు, గ్రామీణ ప్రాంతాల్లో దూకుడుగా విస్తరిస్తున్నాయి. ప్రధాన ముడి పదార్థాల ధరలు పాలీవినైల్ క్లోరైడ్ (PVC), ఇథిలీన్ వినైల్ అసిటేట్ (EVA) గత ఏడాది కాలంలో గణనీయంగా పెరిగాయని, దీని ప్రభావం కొంత మేరకు ధరల పెంపు ద్వారా భర్తీ చేయబడిందని రేటింగ్ ఏజెన్సీ తెలిపింది.