వారణాసిలో ప్రధాని మోడీ ముందంజ.. లీడింగ్‌లో ఉన్న ఇతర ప్రముఖులు వీరే..!

దిశ, వెబ్‌డెస్క్: సార్వత్రిక ఎన్నికల ఫలితాల కౌంటింగ్ ప్రక్రియ కాసేపటి క్రితం ప్రారంభమైంది. కాగా, వారణాసిలో ప్రధాని మోడీ ముందంజలో ఉన్నారు. కాంగ్రెస్ అగ్రనేత రాహుల్ గాంధీ వయనాడ్, రాయబరేలీలో లీడింగ్‌లో ఉన్నారు. హిమాచల్ ప్రదేశ్ మండి నుంచి పోటీలో ఉన్న బాలీవుడ్ టాప్ హీరోయిన్ కంగనా రనౌత్, నాగ్‌పూర్‌లో కేంద్రమంత్రి నితిన్ గడ్కరీ, కోయంబత్తూరులో అన్నామలై, యూపీ మైన్ పురిలో అఖిలేష్ భార్య డింపుల్ లీడింగ్ లో ఉన్నారు. బెంగాల్ లోని డైమండ్ హార్బర్ సెగ్మెంట్ నుంచి బరిలో ఉన్న మమతా బెనర్జీ అల్లుడు అభిషేక్ బెనర్జీ లీడింగ్‌లో ఉన్నారు. అసన్ సోల్‌లో శత్రుఘ్న సిన్హా ఆధిక్యంలో ఉన్నారు. ముంబై నార్త్‌లో పియూష్ గోయల్, అమేథీలో స్మృతి ఇరానీ ముందంజలో ఉన్నారు.