ORR: ఓఆర్ఆర్ నుంచి అదుపుతప్పి పడిపోయిన లారీ.. డ్రైవర్ సజీవ దహనం

దిశ, వెబ్ డెస్క్: ఓఆర్ఆర్(ORR) పై అర్థరాత్రి ఘోర ప్రమాదం(Terrible Accident) జరిగింది. లారీ(Lorry) అదుపుతప్పి కింద పడగా.. డ్రైవర్(Driver) అక్కడికక్కడే మరణించాడు(Died). మియాపూర్(Miyapur) నుంచి బండ్లగూడ(Bandla Guda)కు వెళ్తున్న చెత్తను తీసుకెళ్లే లారీ గౌడవెళ్లి(Gowdavelli) సమీపంలో అదుపు తప్పి ఓఆర్ఆర్ మీద నుంచి కింద పడిపోయింది. ఈ ప్రమాదంలో లారీ నుంచి మంటలు చెలరేగడంతో డ్రైవర్ మంటల్లో చిక్కుకొని సజీవ దహనం(Burnt Alive) అయ్యాడు. లారీ కూడా మంటల్లో పూర్తిగా దగ్ధం అయ్యింది. ఈ ప్రమాదంలో మరణించిన వ్యక్తి అయ్యప్ప మాల ధరించిన డ్రైవర్ సందీప్(27) గా పోలీసులు గుర్తించారు. దీనిపై సమాచారం అందుకున్న పోలీసులు ఘటనా స్థలాన్ని పరిశీలించారు. ఘటనపై కేసు నమోదు చేసుకొని దర్యాప్తు చేస్తామని పోలీసులు వెల్లడించారు.