శ్రమదానంతో రోడ్డును బాగుచేసుకున్న గ్రామస్తులు

దిశ, బాన్సువాడ: బీర్కూర్‌ మండలంలోని మల్లాపూర్‌ గ్రామస్తులు శ్రమదానం చేసి రోడ్డును బాగుచేసుకున్నారు. ప్రభుత్వ సహాయం ఎదురు చూడకుండా గ్రామస్తులే పిచ్చిమొక్కలు ,ముళ్ళపొదలను తొలగించారు. బీర్కూర్‌-ప్రకాశ్‌రావు క్యాంపు-మల్లాపూర్‌ రోడ్డు పక్కన చెట్లు, ముళ్లపొదలు పెరిగిపోయాయి. దీంతో వాహనాల రాకపోకలకు ఇబ్బందులు ఎదురవుతున్నాయి. మాజీ జెడ్పీటీసీ సభ్యులు ద్రోణవల్లి సతీశ్‌ ఆధ్వర్యంలో..గ్రామస్తులు మంగళవారం శ్రమదానం చేశారు. రాకపోకలకు ఇబ్బందులు కలుగుకుండా ప్రకాశ్‌రావు క్యాంపు వరకు రోడ్డుకు ఇరువైపులా ముళ్ల పొదలు తొలగించారు.