వీధి కుక్కల దాడి.. బాలికకు గాయాలు

కామారెడ్డి, జిల్లా :  బాన్సువాడ పట్టణoలోని మదీన కాలనీలో 4 సంవత్సరాల బాలిక మహేర ఫాతిమాపై వీధి కుక్కలు దాడి చేశాయి. దీంతో బాలిక అరుపులు విన్న స్థానికులు కుక్కలను తరిమి..బాలికను కాపాడారు. కుక్కల దాడిలో బాలిక మెడపై తీవ్ర గాయాలయ్యాయి. దీంతో బాలికను ఏరియా ఆసుపత్రికి తరలించారు. అనంతరం పలువురు నాయకులు,కుటుంబ సభ్యులు మున్సిపాలిటీ ముందు నిరసన వ్యక్తం చేశారు. పట్టణంలో రోజురోజుకు వీధి కుక్కల బెడద తీవ్రమవుతుందని మున్సిపాలిటీ అధికారులు కుక్కలను నియంత్రించే చర్యలు చేపట్టాలని డిమాండ్ చేశారు. పట్టణంలో వీధి కుక్కలు స్వైర విహారం చేస్తూ గుంపులు గుంపులుగా తిరుగుతున్న మున్సిపాలిటీ అధికారులు ఏమి పట్టనట్లు వ్యవహరిస్తున్నారని ఆవేదన వ్యక్తం చేశారు.