కారు ఢీకొని యువకుడి దుర్మరణం

దిశ ప్రతినిధి, నిజామాబాద్ : నిజామాబాద్ నగరంలోని అర్సపల్లి వద్ద గురువారం రాత్రి కారు ఢీకొని యువకుడు దుర్మారనం చెందాడు. అర్సపల్లికి చెందిన రాజు (30) బోధన్ రోడ్డు నుంచి తన ఇంటికి నడుచుకుంటూ వెళ్తుండగా అర్సపల్లి రైల్వే గేట్ వద్ద గుర్తు తెలియని కారు ఢీకొట్టింది. ఈ సంఘటనలో రాజు తీవ్రగాయాలతో అక్కడికక్కడే మృతి చెందాడు. ప్రమాదానికి కారణమైన కారు డ్రైవర్ అజాగ్రత్త కారణంగానే ఈ ప్రమాదం జరిగినట్టు తెలిసింది. కారు డ్రైవర్ తప్పించకుపోయినట్టు స్థానికులు తెలిపారు. ఆరవ టౌన్ ఎస్సై రమేష్ సంఘటన స్థలాన్ని పరిశీలించి బాధితుల కుటుంబ సభ్యుల ఫిర్యాదు మేరకు కేసు నమోదు చేశారు. మృతదేహాన్ని పోస్టుమార్టం నిమిత్తం జిల్లా ఆస్పత్రికి తరలించారు.