నాగార్జునసాగర్ చూసొద్దాం

దిశ, నాగార్జునసాగర్ : నాగార్జునసాగర్ ప్రాజెక్టు 26 గేట్లు ఓపెన్​ చేయడంతో చూసేందుకు పర్యాటకులు పెద్దసంఖ్యలో తరలివస్తున్నారు.  22 క్రస్ట్​ గేట్లను 5 అడుగులు, 4 గేట్లను 10 అడుగుల మేర ఎత్తి 2,29886 క్యూసెక్కులను దిగువకు విడుదల చేస్తున్నారు. కుడికాల్వ ద్వారా 8144, ఎడమ కాల్వ ద్వారా 8193, ప్రధాన జలవిద్యుత్‌ ‌కేంద్రం ద్వారా 28,501, ఎస్‌‌ఎల్‌‌బీసీ ద్వారా 1800 క్యూసెక్కులతో కలిపి 3,14,544 క్యూసెక్కులను రిలీజ్​చేస్తున్నారు.  శ్రీశైలం నుంచి సాగర్‌‌కు 2,94,003 క్యూసెక్కుల ఇన్‌‌ఫ్లో నమోదవుతోంది. సాగర్‌‌ పూర్తిస్థాయి నీటి మట్టం 590 అడుగులు కాగా, ఇప్పుడు 587.30 అడుగులకు చేరింది. నీటి సామర్థ్యం 312.05 టీఎంసీలు కాగా,  305.6838  టీఎంసీల నిల్వ ఉంది.