చెల్లిని వేధిస్తున్నాడని..అన్న ఏం చేశాడో చూడండి

దిశ,కోదాడ : పురుగుల మందు తాగి యువకుడు మృతి చెందిన సంఘటన కోదాడ మండల పరిధిలోని కూచిపూడి తండా గ్రామంలో మంగళవారం చోటుచేసుకుంది. రూరల్ పోలీసులు తెలిపిన వివరాల ప్రకారం.. మండల పరిధిలోని కూచిపూడి తండా గ్రామానికి చెందిన తేజావత్ సాయిభగవాన్(24)పట్టణంలో పూల దుకాణంలో పని చేస్తున్నాడు. సోమవారం సాయంత్రం సమయంలో తను పనిచేసే దుకాణం వద్ద బాలాజి నగర్ కి చెందిన పవన్, నందులాల్,సిద్దు,నవీన్ ,కూచిపూడి తండాకి చెందిన సాయితో పాటు.. కొంతమంది వచ్చి పవన్ చెల్లెల్ని ప్రేమ పేరుతో వేదిస్తున్నావని మాట్లాడుదామని రమ్మన్నారు. సాయి భగవాన్ ,అతని స్నేహితుడు ప్రకాశ్ లు ఒకే బండిపై కోదాడలోని హుజూర్ నగర్ ఫ్లైఓవర్ సమీపంలోకి రాగానే..కొంతమంది సాయి భగవాన్ పై దాడి చేశారు.దీంతో సాయి భగవాన్ కూచిపూడి తండాకి వచ్చి అవమానభారంతో.. ఇంట్లో ఉన్న గడ్డి మందుని తాగేశాడు. ఇది గమనించిన కుటుంబసభ్యులు కోదాడ పట్టణంలోని ప్రభుత్వ ఆసుపత్రి కి తరలించారు. పరిస్థితి విషమంగా ఉండటంతో..ఖమ్మంలోని ప్రభుత్వ ఆసుపత్రికి తరలించారు. అనంతరం చికిత్స పొందుతూ మంగళవారం మధ్యాహ్నం మరణించాడు. మృతుని తల్లి తేజావత్ లక్ష్మి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు రూరల్ ఎస్సై అనిల్ రెడ్డి తెలిపారు.