నందికొండ చైర్మన్‌గా అన్నపూర్ణ, వైస్ చైర్మన్‌గా ఆదాసు నాగ రాణి ఫిక్స్ !

దిశ, నాగార్జునసాగర్: నందికొండ మున్సిపాలిటీ చైర్మన్‌, వైస్‌చైర్మన్‌ పదవులకు అధిష్టానం నుండి గ్రీన్ సిగ్నల్ లభించినట్లు సమాచారం. నందికొండ మున్సిపాలిటీ చైర్మన్, వైస్ చైర్మన్ పదవికి శుక్రవారం జరిగే ఎన్నికను ఏకగ్రీవం కానున్నాయి. నూతన చైర్ పర్సన్‌గా 8వ వార్డు కౌన్సిలర్ అన్నపూర్ణ, వైస్ చైర్మన్‌గా ఆదాసు నాగ రాణి ఎన్నుకొనున్నట్లు కాంగ్రెస్ అధిష్టానం నుంచి గ్రీన్ సిగ్నల్ ఇచ్చినట్లు సమాచారం.ఆది నుండి కాంగ్రెస్ పార్టీకి కష్టకాలంలోను అండగా ఉంటూ పార్టీ కోసం అహర్నిశలు పని చేసిన మోహన్ రావు కుమారై అన్నపూర్ణకు చైర్ పర్సన్ పదవి కట్ట పెట్టినట్లు సమాచారం. అన్నపూర్ణ తండ్రి 10వ వార్డు కౌన్సిలర్ తిరుమల కొండ మోహన్ రావుకు నందికొండలో మంచి పట్టుంది. ఆపదలో ఉన్న శత్రువునైనా సహాయం చేసే వ్యక్తిగా మంచి పేరుంది. నందికొండ పరిధిలోని ప్రజలకు ఆయన సుపరిచితుడు. ఆపదలో ఉన్న వారికి కాదనకుండా తమకు తోచిన సాయం చేయడంలో తండ్రి మోహన్ రావుతో పాటు అన్నపూర్ణ ముందుంటారని స్థానిక ప్రజల నుంచి వస్తున్న స్పందన.