బీఆర్ఎస్ ఏం ఇచ్చిన తీసుకోండి: ఎమ్మెల్యే ఈటల కీలక వ్యాఖ్యలు

దిశ, వెబ్‌డెస్క్: బీఆర్ఎస్ పార్టీపై బీజేపీ నేత, హుజురాబాద్ ఎమ్మెల్యే ఈటల రాజేందర్ మరోసారి విమర్శలు గుప్పించారు. ఎన్నికల సమయంలో బీఆర్ఎస్ చెప్పే మాటలు నమ్మి మోసపోవద్దని చెప్పారు. ఓట్ల కోసం బీఆర్ఎస్ పార్టీ ఏం ఇచ్చిన తీసుకోండి.. కానీ ఓటు మాత్రం ధర్మానికే వేయండని కోరారు. బీఆర్ఎస్ పేదల భూములు లాక్కొని ప్రైవేటీ కంపెనీలకు ఇచ్చిందని.. బీజేపీ అధికారంలోకి రాగానే తిరిగి భూములను పేదలకు ఇచ్చేస్తామని హామీ ఇచ్చారు. వచ్చే ఎన్నికల్లో తనను ఓడించానికి బీఆర్ఎస్ విశ్వ ప్రయత్నాలు చేస్తోందని.. కానీ తాను ఓటమి ఎరుగని నేతనని ఈటల కీలక వ్యాఖ్యలు చేశారు. కాగా, ఈటల రాజేందర్ ఈ సారి హుజురాబాద్‌తో పాటు సీఎం కేసీఆర్ సొంత ఇలాకా గజ్వేల్ నుండి కూడా బరిలోకి దిగుతోన్న విషయం తెలిసిందే.