నిజాయితీ చాటుకున్న ఆర్​టీసీ సిబ్బంది

దిశ, కూకట్​పల్లి : బస్సులో బంగారు ఆభరణాలు మరిచిపోయి దిగిపోయిన ప్రయాణికురాలి చిరునామా కనుక్కొని వారికి అప్పగించి కూకట్​పల్లి ఆర్​టీసి సిబ్బంది నిజాయితీని చాటుకున్నారు. కూకట్​పల్లి డిపోకు చెందిన ఆర్​టీసీ బస్సులో ప్రయాణించిన ఓ ప్రయాణికురాలు తన బంగారు ఆభరణాలతో కూడిన బ్యాగ్​ను మరిచిపోయి వెళ్లిపోయింది.

    అది గమనించిన డ్రైవర్​ మధుబాబు, రాములు టికెట్ ఆధారంగా ప్రయాణికురాలి ఫోన్​ నంబర్​ కనుక్కొని సోమవారం డిపో మేనేజర్​ హరి చేతుల మీదుగా ప్రయాణికురాలికి బంగారు ఆభరణాలు, 6700 రూపాయల నగదు ఉన్న బ్యాగును అప్పగించారు. ఈ కార్యక్రమంలో అసిస్టెంట్​ మేనేజర్​ శ్రీలత, టీఐ సావిత్రి, అరుణ, సీఐ ఏడీసీ చెన్నప్ప, ఎస్సై అన్వర్​ ఖాన్, శ్రీనివాస్​, లక్ష్మీ తదితరులు పాల్గొన్నారు.