రోడ్డు ప్రమాదంలో విద్యుత్ ఆపరేటర్ మృతి

దిశ, రేగోడ్: రేగోడ్ మండల పరిధిలోని టి.లింగంపల్లి గ్రామం వద్ద సోమవారం ఉదయం జరిగిన ఘోర రోడ్డు ప్రమాదంలో విద్యుత్ ఆపరేటర్ దుర్మరణం పాలయ్యాడు. గజ్వాడ విద్యుత్ సబ్ స్టేషన్లో ఆపరేటర్ గా విధులు నిర్వర్తిస్తున్న పెద్ద శంకరంపేట్ మండలం మల్కాపూర్ గ్రామానికి చెందిన భూత్కూర్ నాగరాజు తన విధులు ముగించుకుని ఇంటికి బైక్ పై వెళ్తున్నాడు. ఈ క్రమంలో లారీ బలంగా వచ్చి బైక్ ను ఢీకొట్టింది. ఈ ప్రమాదంలో నాగరాజుకు తీవ్రగాయాలై అక్కడికక్కడే మృతి చెందాడు. మృతుడికి భార్య, ఇద్దరు పిల్లలున్నారు.