రోడ్డు ప్రమాదంలో ఏఎన్ఎం మృతి
రోడ్డు ప్రమాదంలో ఏఎన్ఎం మృతి చెందిన ఘటన జోగిపేట పట్టణంలో సోమవారం చోటుచేసుకుంది. స్థానికులు తెలిపిన వివరాల ప్రకారం ఝరాసంఘం మండల పరిధిలోని ప్యారారం గ్రామానికి చెందిన ఏ.కమల (45) తాలెల్మ పీహెచ్‌సీ పరిధిలోని అల్మాయిపేట సబ్‌సెంటర్‌లో ఏఎన్ఎంగా విధులు నిర్వర్తిస్తోంది.
దిశ, అందోల్: రోడ్డు ప్రమాదంలో ఏఎన్ఎం మృతి చెందిన ఘటన జోగిపేట పట్టణంలో సోమవారం చోటుచేసుకుంది. స్థానికులు తెలిపిన వివరాల ప్రకారం ఝరాసంఘం మండల పరిధిలోని ప్యారారం గ్రామానికి చెందిన ఏ.కమల (45) తాలెల్మ పీహెచ్‌సీ పరిధిలోని అల్మాయిపేట సబ్‌సెంటర్‌లో ఏఎన్ఎంగా విధులు నిర్వర్తిస్తోంది.
సోమవారం తాలెల్మ పీహెచ్‌సీ కేంద్రంలో నిర్వహించిన సీపీఆర్‌ ట్రైనింగ్‌కు హజరై, తిరిగి జోగిపేటకు ఆటోలో వస్తుండగా ప్రమాదవశాత్తు జోగిపేటలోని బెల్లంగౌని సమీపంలో ఆటో బోల్తా పడింది. ఈ దుర్ఘటనలో కమల తలకు తీవ్ర గాయాలు కాగా, చికిత్స నిమిత్ం ఆమెను జోగిపేట ప్రభుత్వాసుపత్రికి తీసుకొచ్చారు.
ఆమెకు చికిత్స అందిస్తుండగా మృతి చెందినట్లు వైద్యులు తెలిపారు. ఇదే ఘటనలో వట్‌పల్లికి చెందిన శివశంకర్‌ అనే వ్యక్తికి కాలు విరగడంతో అతడిని సంగారెడ్డికి తరలించగా, మిగతా ప్రయాణీకులు స్వల్ప గాయాలతో బయటపడ్డారు. ఆటోలో స్థాయికి మించి ప్రయాణీకులు ఎక్కడం వల్లే ప్రమాదం సంభవించినట్లు ప్రత్యక్ష సాక్షులు తెలిపారు. ఈ మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.