బహిరంగ సభను విజయవంతం చేద్దాం

దిశ,వనపర్తి :యావత్మాల్ జిల్లా దీగ్రాస్ నియోజకవర్గం ధార్వాలో సోమవారం నిర్వహించనున్న బహిరంగ సభను విజయవంతం చేయాలని వనపర్తి ఎమ్మెల్యే మేఘారెడ్డి పేర్కొన్నారు. ఆదివారం మహారాష్ట్ర రాష్ట్రం యావత్మాల్ జిల్లా పార్లమెంటరీ నియోజకవర్గ ఎన్నికల ఇన్చార్జ్ నాగర్ కర్నూల్ ఎంపీ డాక్టర్ మల్లు రవి దీగ్రాస్ నియోజకవర్గ ఎన్నికల సమన్వయకర్త వనపర్తి ఎమ్మెల్యే తూడి మేఘారెడ్డి సభా ఏర్పాట్లను పరిశీలించారు. కాంగ్రెస్ పార్టీ అభ్యర్థి మాణిక్ రావు ఠాక్రే విజయమే లక్ష్యంగా నిర్వహించే భారీ బహిరంగ సభకు ముఖ్య అతిథిగా శివసేన పార్టీ పెద్దలు ఉద్ధవ్ ఠాక్రే హాజరవుతున్నట్లు పేర్కొన్నారు. నియోజకవర్గంలోని నలుమూలల నుంచి పెద్ద ఎత్తున పార్టీ కార్యకర్త, నాయకులు, ప్రజలను తరలించాలని స్థానిక నాయకులకు సూచించారు.