కురుమూర్తి జాతర కోనేరులో పడి వ్యక్తి మృతి

దిశ,చిన్న చింతకుంట : మండలంలోని అమ్మాపూర్ గ్రామ సమీపంలో వెలిసిన శ్రీ కురుమూర్తి బ్రహోత్సవాల్లో విషాదకర ఘటన చోటుచేసుకుంది. ఆదివారం తెల్లవారుజామున ఓ వ్యక్తి కోనేరులో పడి మృతి చెందాడు. పోలీసులు తెలిపిన వివరాల ప్రకారం..సామాజిక మాధ్యమాల్లో మృతుడి ఫోటో పెట్టగా.. అది చూసిన రక్త బంధువులు తల్లి దొబ్బ నరసమ్మ కు సమాచారం ఇచ్చారు. మృతుడు దేవరకద్ర మండలం గద్దె గూడెం గ్రామానికి చెందిన దోబ్బ నరేష్ వయస్సు 27 సప్లయర్ గా పనిచేసి జీవనం సాగిస్తున్నాడు. మృతుడికి తల్లి ఇద్దరు చెల్లెలు ఉన్నారు. మృతుడి తల్లి దొబ్బ నరసమ్మ ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.