మురికి కాలువలో యువకుడి మృతదేహం...

దిశ, శంకరపట్నం: కరీంనగర్ జిల్లా మానకొండూరు నియోజకవర్గంలోని శంకరపట్నం మండలం చింతలపల్లె గ్రామంలో ఓ యువకుడు మురికి కాలువలో పడి మృతిచెందిన ఘటన శుక్రవారం చోటుచేసుకుంది. గ్రామస్తులు తెలిపిన వివరాల ప్రకారం చింతలపల్లె గ్రామానికి చెందిన దున్నపోతుల శ్రీనివాస్ వ్యవసాయం, డీజే నడిపించుకుంటూ కుటుంబాన్ని పోషించుకుంటాడని, గురువారం సాయంత్రం ఇంట్లో నుంచి ద్విచక్ర వాహనంపై వెళ్లిన శ్రీనివాస్ శుక్రవారం తెల్లవారుజామున గ్రామంలోని ఎస్సీ కాలనీ లోగల మురికి కాలువలో శ్రీనివాస్ మృతదేహాన్ని గ్రామస్తులు కాలనీవాసులు చూసి, కుటుంబ సభ్యులకు, కేశవపట్నం పోలీసులకు సమాచారం అందించడంతో పోలీసులు అక్కడికి చేరుకుని మురికి కాలువలో నుండి శ్రీనివాస్ మృతదేహాన్ని తీసి పోస్టుమార్టం నిమిత్తం తరలించారు. శ్రీనివాస్ మృతిపై పూర్తి వివరాలు తెలియాల్సి ఉంది.