కేటీఆర్ రోడ్ షో.. అసంతృప్తిగా వెనుదిరిగిన మహిళలు

దిశ,ముస్తాబాద్ : మండల కేంద్రంలో మంగళవారం కేటీఆర్ రోడ్ షో లో మండల, గ్రామ ప్రజలు పాల్గొన్నారు. కేటీఆర్ రోడ్ షో కి మండలం లోని వివిధ గ్రామాల నుంచి మహిళలు , గ్రామస్తులు, కార్యకర్తలు పెద్ద ఎత్తున తరలివచ్చారు.రోడ్ షో కి విచ్చేసిన కేటీఆర్ ప్రసంగించిన కార్యక్రమంలో మహిళలు పెద్ద ఎత్తున పాల్గొన్నారు. కార్యక్రమానికి హాజరైతే ఒక్కొక్కరికి 200 రూ. ఇస్తామని బీఆర్ఎస్ శ్రేణులు చెప్పడం తో మహిళలు పెద్ద ఎత్తున తరలి వచ్చినట్లు వారు తెలిపారు. కేటీఆర్ రోడ్ షో ముగిసిన అనంతరం మహిళలను, వృద్ధులను పట్టించుకునే వారు లేరని వారు వాపోయారు.కార్యక్రమం ముగిసిన అనంతరం 200 రూ కూడా ఇవ్వలేదని వారు ఆరోపించారు.కేవలం కేటీఆర్ కార్యక్రమంలో సంఖ్యను చూపించుకోడానికే మమ్మల్ని పిలిపించారని మహిళలు అన్నారు.కేటీఆర్ రోడ్ షో ముగిసిన అనంతరం మహిళలు , వృద్ధులకు వాహనాలు సమకూర్చక పోవడం తో వారి గ్రామాలకు చేరుకోడానికి నడుచుకుంటూ వెళ్తూ ఉండటం గమనార్హం గా మారింది.