అరుణాచలం తరహాలో గిరి ప్రదక్షణకు ఏర్పాట్లు

దిశ, కొండగట్టు : తెలంగాణ రాష్ట్రంలోని ప్రసిద్ధ పుణ్యక్షేత్రం శ్రీ కొండగట్టు ఆంజనేయస్వామి ఆలయంలో అరుణాచలం తరహాలో గిరి ప్రదక్షణకు ఏర్పాట్లు చేస్తున్నారు. మంత్రి పొన్నం ప్రభాకర్ గౌడ్ సహకారంతో ఇక్కడ కూడా చారిత్రాత్మకంగా ఏర్పాటు చేయడానికి బుధవారం చొప్పదండి ఎమ్మెల్యే మేడిపల్లి సత్యం భూమి పూజ చేశారు.

    అనంతరం ఆయన మాట్లాడుతూ ఆంజనేయ స్వామి దర్శనం కోసం వచ్చే భక్తులకు గిరి ప్రదక్షణ చేయడానికి అనుకూలంగా ఉండేందుకు అన్ని రకాల సౌకర్యాలు ఏర్పాటు చేస్తామని తెలిపారు. ఈ కార్యక్రమంలో ఆలయ ఏఈఓ అంజయ్య, నాయకులు శ్రీనివాస్ గౌడ్, సతీష్ రెడ్డి, రాం లింగారెడ్డి, ఫ్యాక్స్ చైర్మన్ రాజా నర్సింగరావు, ముత్యం శంకర్, గోల్కొండ రాజు తదితరులు పాల్గొన్నారు.