కాంగ్రెస్ లో చేరిన మాజీ జడ్పీటీసీ

దిశ, జమ్మికుంట : జమ్మికుంట మాజీ జడ్పీటీసీ అరుకాల వీరేశలింగం శుక్రవారం రాత్రి హుజురాబాద్ నియోజకవర్గ కాంగ్రెస్ పార్టీ ఎమ్మెల్యే అభ్యర్థి ఒడితల ప్రణవ్ బాబు ఆధ్వర్యంలో, టీపీసీసీ అధ్యక్షుడు రేవంత్ రెడ్డి సమక్షంలో కాంగ్రెస్ పార్టీలో చేరారు. రేవంత్ రెడ్డి కాంగ్రెస్ పార్టీ కండువా కప్పి పార్టీలోకి ఆహ్వానించారు. ఈయనతో పాటు జమ్మికుంట మండలంలోని బిజిగిరి షరీఫ్ గ్రామ మాజీ ఉపసర్పంచ్ ఆకుల సంపత్ కాంగ్రెస్ పార్టీలో చేరారు.

వీరి వెంట జమ్మికుంట టౌన్ వర్కింగ్ ప్రెసిడెంట్ ఎర్రం సతీష్ రెడ్డి, మండల కాంగ్రెస్ పార్టీ అధ్యక్షుడు ఎర్రబెల్లి సంపత్ రావు, కాంగ్రెస్ పార్టీ నాయకులు భువనగిరి ప్రశాంత్ కార్తీక్, పరశురాం రావు తదితరులు ఉన్నారు. కాగా గత రెండు నెలల క్రితం అరకాల వీరేశలింగం తన స్వగృహంలో విలేకరుల సమావేశాన్ని ఏర్పాటు చేసి రానున్న అసెంబ్లీ ఎన్నికల్లో స్వతంత్ర అభ్యర్థిగా పోటీ చేస్తానని వెల్లడించారు. కానీ అనుకోని రీతిలో కాంగ్రెస్ పార్టీలో చేరారు.