Karimnagar: చంద్రబాబు అరెస్ట్‌పై చాడ వెంకట్‌రెడ్డి ఆగ్రహం.. జగన్‌కు తీవ్ర హెచ్చరిక

దిశ, వెబ్ డెస్క్: ఏపీ మాజీ సీఎం చంద్రబాబు అరెస్ట్‌‌ను సీపీఐ జాతీయ కార్యవర్గ సభ్యుడు చాడ వెంకట్ రెడ్డి తప్పుబట్టారు. కరీంనగర్‌లో ఆయన మీడియా మాట్లాడుతూ చంద్రబాబు పట్ల జగన్ ప్రభుత్వం కక్షపూరితంగా వ్యవహరించిందని మండిపడ్డారు. చంద్రబాబు అరెస్ట్ విషయంలో ధర్మం, న్యాయమే గెలుస్తుందని చెప్పారు. స్కిల్ డెవలప్ మెంట్ కేసుకు సంబంధించిన వాస్తవాలు త్వరలో బయటకు వస్తాయన్నారు. చంద్రబాబు అంశాన్నిభూతద్ధంలో పెట్టి చూడొద్దని చెప్పారు. సీఎం జగన్ మోహన్ రెడ్డి శాశ్వతంగా ముఖ్యమంత్రిగా ఉండరని, ఇవాళ ఆయన చేసింది రేపు చంద్రబాబు చేస్తారని చెప్పారు. చడపకు రా చెడేవుల అని పెద్దలు ఊరికే చెప్పలేదని చాడ వెంకట్ రెడ్డి అన్నారు. ఎన్ని చెప్పుకున్నా మైదరాబాద్ అభివృద్ధిలో చంద్రబాబు పాత్ర చాలా కీలకమన్నారు. ఆధారాలు లేకుండా చంద్రబాబును అరెస్ట్ చేసి ఆయన ప్రతిష్టను దెబ్బతీసే ప్రయత్నం చేస్తున్నారని చాడ వెంకట్ రెడ్డి ఆగ్రహం వ్యక్తం చేశారు.