కాంగ్రెస్ లో చేరిన మాజీ ఉపసర్పంచ్, బీజేపీ వార్డు సభ్యుడు..

దిశ, శంకరపట్నం : కరీంనగర్ జిల్లా, మానకొండూర్ నియోజకవర్గం, శంకరపట్నం మండలం, మొలంగూర్ గ్రామ మాజీ ఉపసర్పంచ్, వార్డు సభ్యుడు గురువారం కాంగ్రెస్ పార్టీలో చేరారు. ఈ సందర్భంగా మొలంగూర్ గ్రామ కాంగ్రెస్ పార్టీ అధ్యక్షులు నేరెళ్ల సంతోష్ కుమార్ మాట్లాడుతూ బీఆర్ఎస్ పార్టీకి చెందిన సీనియర్ నాయకులు, మొలంగూర్ గ్రామ మాజీ ఉపసర్పంచ్ తుమ్మ వెంకటపతి, బీజేపీకి చెందిన మొలంగూర్ గ్రామపంచాయతీ 8వ వార్డు సభ్యులు నర్సింగోజి మనోచారి, పెద్ద పేట నాగరాజుతో పాటు పలువురు పార్టీలో చేరేందుకు ఆసక్తి చూపారు. కాగా కాంగ్రెస్ పార్టీ జిల్లా అధ్యక్షులు, మానకొండూర్ నియోజకవర్గం కాంగ్రెస్ పార్టీ ఎమ్మెల్యే అభ్యర్థి డాక్టర్ కవంపల్లి సత్యనారాయణ వారికి కాంగ్రెస్ కండువా కప్పి పార్టీలోకి ఆహ్వానించినట్లు సంతోష్ కుమార్ తెలిపారు.