Dost Registration: విద్యార్థులకు బిగ్ అలర్ట్.. నేటి నుంచి ‘దోస్త్’ మూడో విడత రిజిస్ట్రేషన్ షురూ

దిశ, వెబ్‌డెస్క్: రాష్ట్ర వ్యాప్తంగా డిగ్రీ కళాశాలల్లో ప్రవేశలకు ప్రతి ఏటా నిర్వహించే ‘దోస్త్’ నోటిఫికేషన్ ఇప్పటికే విడుదలైంది. దాదాపు 41,553 మంది విద్యార్థులకు దోస్త్ సెకండ్ ఫేజ్ సీట్లను కేటాయించినట్లు ఉన్నత విద్యా శాఖ కన్వీనర్ లింబాద్రి తెలిపారు. అయితే, బుధవారం నుంచి ‘దోస్త్’ మూడో విడత రిజిస్ట్రేషన్ ప్రారంభం కానుందని ఆయన వెల్లడించారు. జులై 2 వరకు నమోదు ప్రక్రియ ఉంటుందని, 6న సీట్లు కేటాయిస్తామని వెల్లడించారు. కాగా, తొలి విడతలో 76,290 మందికి సీట్లు దక్కగా 57 వేల మంది ఇప్పటికే వాళ్లకు కేటాయించి డిగ్రీ కళాశాలల్లో ప్రవేశాలు పొందారు.