CM Revanth Reddy : ముగిసిన సీఎం రేవంత్ రెడ్డి ఢిల్లీ పర్యటన

దిశ, వెబ్ డెస్క్ : తెలంగాణ సీఎం రేవంత్ రెడ్డి(CM Revanth Reddy) ఢిల్లీ పర్యటన ముగిసింది. సోమవారం సాయంత్రం లోక్ సభ స్పీకర్ ఓం ప్రకాష్ బిర్లా(Om Prakash Birla) కూతురు పెళ్లి వేడుకలకు హాజరయ్యేందుకు ఢిల్లీకి చేరుకున్న సీఎం.. నేటి ఉదయం రాజ్యాంగ దినోత్సవ ప్రత్యేక కార్యక్రమంలో పాల్గొని ప్రసంగించారు. ఆ తర్వాత వయనాడ్ ఎంపీగా గెలిచిన ప్రియాంక గాంధీ(Priyanka Gandhi)ని కలిసి శుభాకాంక్షలు తెలిపారు. అనంతరం కేంద్రమంత్రులు రామ్మోహన్ నాయుడు, రాజ్ నాథ్ సింగ్ లను కలిసి.. రాష్ట్రంలో విమానాశ్రయాల ఏర్పాటుకు, రక్షణశాఖ భూములను రాష్ట్రానికి అప్పగించే విషయాలపై చర్చించారు. కాగా ఆయా కేంద్రమంత్రులు సానుకూలంగా స్పందించినట్టు తెలుస్తోంది. ఢిల్లీ పర్యటన విజయవంతంగా ముగించుకొని సీఎం రేవంత్ రెడ్డి తిరిగి హైదరాబాద్ పయనం అయ్యారు. కాగా సీఎం పర్యటనలో.. డిప్యూటీ సీఎం భట్టి విక్రమార్క, మంత్రి ఉత్తమ్ కుమార్ రెడ్డి ఆయన వెంట ఉన్నారు.