పాకిస్తాన్‌పై టీమిండియా గెలుపు.. టపాసులు పేల్చి సందడి చేసిన బండి సంజయ్

దిశ, వెబ్‌డెస్క్: వన్డే వరల్డ్ కప్‌లో భాగంగా దాయాది పాకిస్తాన్‌తో జరిగిన మ్యాచ్‌లో టీమిండియాతో ఘన విజయం సాధించిన విషయం తెలిసిందే. అహ్మదాబాద్‌లోని నరేంద్ర మోదీ స్టేడియంలో జరిగిన మ్యాచ్‌లో ఏడు వికెట్ల తేడాతో భారత్ గెలుపొందింది. దీంతో టీమిండియా అభిమానులు ఫుల్ ఖుషీ అవుతున్నారు. ఈ క్రమంలో పలు ప్రాంతాల్లో టీమిండియా ఫాన్స్ సంబురాలు చేసుకుంటున్నారు.

అయితే టీమిండియా గెలిచినందుకు కరీంనగర్‌లో బీజేపీ శ్రేణులు సంబురాలు చేసుకున్నారు. టవర్ సర్కిర్ వద్ద బీజేపీ ఆధ్వర్యంలో ఈ సెలబ్రేషన్స్ నిర్వహించగా.. ఇందులో కరీంనగర్ ఎంపీ బండి సంజయ్ కూడా పాల్గొన్నారు. బండి సంజయ్ టపాసులు పేల్చి శ్రేణులతో కలిసి సంబురాలు నిర్వహించారు. భారత్ మాతా కీ జై అంటూ పెద్ద ఎత్తున నినాదాలు చేశారు. టీమిండియా వరల్డ్ కప్ గెలవాలని ఆశించారు.