BJP అంటే కేసీఆర్‌కు భయం పట్టుకుంది: MP Soyam Bapu Rao ఫైర్

దిశ, భైంసా: ఇప్పటికైనా కేసీఆర్ ప్రభుత్వం వ్యతిరేక విధానాలను విడనాడలని ఉమ్మడి ఆదిలాబాద్ జిల్లా ఎంపీ సొయం బాపురావ్ అన్నారు. సోమవారం హైకోర్టు తీర్పు అనంతరం భైంసాలో మీడియా సమావేశం నిర్వహించి మాట్లాడారు. ఫాంహౌజ్ ముఖ్యమంత్రికి భారతీయ జనతా పార్టీ అధికారంలోకి వస్తుందని భయం పట్టుకుందని.. అందుకే బండి సంజయ్ సభకు, పాదయాత్రకు అనుమతి ఇవ్వకుండా అడ్డుకుంటున్నడన్నారు. బీజేపీ అంటే గుబులు పుట్టుకుందన్నారు. ఎంత చేసినా ఎంత మంది బీజేపీ నాయకులను, కార్యకర్తలను అరెస్టు చేసిన పర్మిషన్ తీసుకుని శాంతియుతంగా యాత్ర కొనసాగిస్తున్నామన్నారు. ఎన్ని అడ్డంకులు ఏర్పరచినా ప్రజా సంగ్రామ యాత్ర ఆపేది లేదన్నారు. ఈ రోజు నిర్వహించాల్సిన సభతో పాటు ప్రజా సంగ్రామ యాత్ర మంగళవారం నుండి యధావిధిగా కొనసాగుతుందని పేర్కొన్నారు. నియోజకవర్గ బీజేపీ శ్రేణులు పాల్గొని ప్రజా సంగ్రామ యాత్రను విజయవంతం చేయాలని కోరారు.