బాబాయి బాటలో చెర్రీ… రూ. 70 లక్షల విరాళం

దిశ, వెబ్‌డెస్క్: మెగా పవర్ స్టార్ రామ్ చరణ్ తేజ్ బాబాయి పవన్ కళ్యాణ్ బాటలో పయనించారు. పవన్ ప్రధాని రిలీఫ్ ఫండ్‌, తెలుగు రాష్ట్రాల సీఎం రిలీఫ్ ఫండ్‌కు రెండు కోట్లు విరాళం అందించడం పై స్పందించడమే కాదు.. తనను ఫాలో అయ్యారు. పవన్ ట్వీట్‌తో స్ఫూర్తి పొందిన తాను.. కరోనా మహమ్మారిపై పోరాడేందుకు రూ. 70 లక్షల విరాళం ఇస్తున్నట్లు ప్రకటించారు. కేంద్రం, తెలుగు రాష్ట్రాల రిలీఫ్ ఫండ్స్‌కు విరాళం అందిస్తున్నట్లు తెలిపారు. కరోనా నివారణకు ప్రధాని మోడీ, ముఖ్యమంత్రులు కేసీఆర్, జగన్ మోహన్‌రెడ్డిలు తీసుకుంటున్న చర్యలు అభినందనీయమన్నారు చెర్రీ. బాధ్యత గల పౌరుడిగా .. ప్రభుత్వాలు అందిస్తున్న సూచనలు పాటిస్తానని.. ప్రజలంతా ఫాలో కావాలని సూచించారు.

Tags: Ram Charan Tej, Pawan Kalyan, CoronaVirus, Covid19