దుబాయ్‌లో గుండెపోటుతో సుద్దపల్లి వాసి మృతి
ఉపాధి కోసం గల్ఫ్ దేశం దుబాయ్‌కి వెళ్ళిన డిచ్‌పల్లి మండలం సుద్దపల్లికి చెందిన హరీష్ (40) అనే యువకుడు గుండెపోటుతో మృతి చెందినట్లు గ్రామస్థులు తెలిపారు.
దిశ, డిచ్‌పల్లి: ఉపాధి కోసం గల్ఫ్ దేశం దుబాయ్ కి వెళ్ళిన డిచ్‌పల్లి మండలం సుద్దపల్లికి చెందిన హరీష్ (40) అనే యువకుడు గుండెపోటుతో మృతి చెందినట్లు గ్రామస్థులు తెలిపారు. దాదాపు పదిహేనేళ్లుగా హరీష్ దుబాయ్ లోనే ఓ కంపెనీలో పనిచేస్తున్నట్లు తెలిసింది. శనివారం ఉన్నట్టుండి ఛాతిలో నొప్పిగా ఉందని తనతో పాటు పనిచేసే వారికి చెప్పడంతో హరీష్ ను వెంటనే హాస్పిటల్ కు తరలించారు. హాస్పిటల్ కు చేరుకునే లోపే మృతి చెందినట్లు గ్రామస్తులు పేర్కొన్నారు. మృతుడికి భార్య, ఇద్దరు కొడుకులు ఉన్నారు. మృతదేహాన్ని స్వగ్రామానికి తీసుకొచ్చే ఏర్పాట్లు జరుగుతున్నట్లు వారు తెలిపారు.