స్విఫ్ట్ డిజైర్‌లో ప్రయాణిస్తున్న మారుతి రావు మృతి

దిశ, పిట్లం : పిట్లంలో నేషనల్ హైవే 161 పైన రాత్రి ఘోర రోడ్డు ప్రమాదం జరిగింది. హైదరాబాద్ నుంచి వస్తున్న మారుతి స్విఫ్ట్ డిజైర్ గేదెలను అతివేగంగా ఢీకొట్టింది. ఈ ఘటనలో కారులో ప్రయాణిస్తున్న మారుతి రావు (80) అక్కడికక్కడే మృతి చెందగా కారు నడుపుతున్న అతడి కుమారుడు సతీష్, మృతుని భార్య వీరి భాయ్‌కి తీవ్రగాయాలు అయ్యాయి. సమాచారం అందుకున్న పోలీసులు సంఘటన స్థలానికి చేరుకొని క్షతగాత్రులను హైదరాబాద్ ఆస్పత్రికి తరలించారు. మృతి చెందిన మారుతిరావును బాన్సువాడ ఏరియా ఆసుపత్రికి పోస్టుమార్టం నిమిత్తం తరలించారు. మృతుడి పెద్దకొడుకైనా మాధవ్ ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై రాజు తెలిపారు.