పెద్ద కొత్తపల్లి బస్ స్టాప్‌లో వ్యక్తి మృతి.. కారణం ఇదే..!

దిశ, కొల్లాపూర్/పెద్దకొత్తపల్లి: చలి తీవ్రతను భరించలేక ఓ వ్యక్తి ప్రాణాలు వదిలాడు. శనివారం అర్థరాత్రి పెద్ద కొత్తపల్లి బస్ స్టాప్‌లో ఈ సంఘటన జరిగింది. సుమారు 45 ఏళ్ల వయసు ఉన్న వ్యక్తి పాయింట్, స్వెట్టర్ ధరించి సిమెంట్ బెంచీపై పడుకొని అలాగే ప్రాణాలు వదిలారు. మృతదేహం పక్కన దుస్తులతో ఉన్న చేతి సంచి ఉన్నది. మృతుడు బిహార్ రాష్ట్రానికి చెందిన వ్యక్తిగా స్థానికులు చెబుతున్నారు. రోజురోజుకు చలి తీవ్రత పెరుగుతున్న కారణంగానే సదరు వ్యక్తి మృతి చెంది ఉంటాడని స్థానికులు అభిప్రాయపడుతున్నారు. మృతుడి వివరాలు తెలిసిన వాళ్లు పెద్ద కొత్తపల్లి ఎస్ఐ కి 8712657721కు సమాచారం ఇవ్వాలని పోలీసులు కోరారు.