ఎన్టీఆర్‌పై అమిత్ షా ప్రశంసల వర్షం

దిశ, వెబ్‌డెస్క్: రాజమౌళి దర్శకత్వంలో తెరకెక్కిన ఆర్ఆర్ఆర్ సినిమా దేశ వ్యాప్తంగా సెన్సేషన్ సృష్టించిన విషయం తెలిసిందే. బాక్సాఫీస్ వద్ద రికార్డు స్థాయి వసూళ్లు తీసుకురావడమే కాకుండా.. తెలుగు స్టార్ హీరోలైన ఎన్టీఆర్, రామ్ చరణ్‌ల నటనకు దేశంలోని సినీ ప్రేమికులంతా ఫిదా అయ్యారు. తాజాగా.. ఈ సినిమాను వీక్షించిన కేంద్ర హోంశాఖ మంత్రి అమిత్ షా.. జూనియర్ ఎన్టీఆర్‌ను ప్రత్యేకంగా అభినందించారు. ఆదివారం మునుగోడు బహిరంగ నేపథ్యంలో తెలంగాణలో పర్యటించిన అమిత్ షా.. రాత్రి ఎన్టీఆర్‌తో ప్రత్యేకంగా భేటీ అయ్యారు. ఈ సందర్భంగా యంగ్ టైగర్‌పై ప్రశంసల వర్షం కురిపించారు. ''అత్యంత ప్రతిభావంతుడైన నటుడు మరియు మన తెలుగు సినిమా తారక రత్నం అయిన జూనియర్ ఎన్టీఆర్‌తో ఈ రోజు హైదరాబాద్‌లో కలిసి మాట్లాడటం చాలా ఆనందంగా అనిపించింది.'' అంటూ మీటింగ్ అనంతరం ట్విట్టర్ వేదికగా తన అభిప్రాయాన్ని అమిత్ షా పంచుకున్నారు. కాగా, వీరిద్దరి మధ్య తాజా రాజకీయ అంశాలు కూడా ప్రస్తావనకు వచ్చినట్లు సమాచారం. రాజకీయాలపై ఆసక్తి ఉందా? అని షా అడగడంతో ప్రస్తుతం ఇంట్రెస్ట్ లేదని ఎన్టీఆర్ చెప్పినట్లు సమాచారం.

మునుగోడు బైపోల్‌పై ప్రియాంకా గాంధీ స్పెషల్ ఫోకస్?