యూపీలో దారుణం.. ఆక్సిజన్ సిలిండర్ పేలి కార్మికుడు మృతి

లక్నో: దేశవ్యాప్తంగా అనేక కోవిడ్ ఆస్పత్రుల్లో ఆక్సిజన్ సిలిండర్‌‌లు పేలి ప్రమాదాలు చోటుచేసుకుంది. తాజాగా.. అలాంటి ఘటనే ఉత్తరప్రదేశ్‌లో చోటుచేసుకుంది. ఓ రీఫిల్లింగ్ ప్లాంట్‌లో ఆక్సిజన్ సిలిండర్ పేలి కార్మికుడు మరణించారు. మరో ఇద్దరు వ్యక్తులు గాయపడ్డారు. పాంకి ఆక్సిజన్ ప్లాంట్‌లో శుక్రవారం తెల్లవారుజామున ఈ దుర్ఘటన జరిగింది. దాదా నగర్ ఇండస్ట్రియల్ ఏరియాలో ఈ ప్లాంట్ ఉన్నది. విషయం తెలుసుకున్న పోలీసులు ఘటనాస్థలికి చేరారు. పరిస్థితులను సమీక్షిస్తున్నారు.