హాల్‌ టికెట్‌పై సన్నిలియోన్ ఫోటో.. చూసి షాకైన అభ్యర్థి

దిశ, వెబ్‌డెస్క్: ఉపాధ్యాయ నియామక పరీక్షకు హాజరవ్వాల్సిన ఓ యువతికి వింత అనుభవం ఎదురైంది. ఎగ్జామ్ హాల్ టికెట్‌పై తన ఫొటోకు బదులు బాలీవుడ్ నటి సన్నిలియోన్ ఫోటో ఉండడంతో అవాక్కయింది. వివరాల్లోకి వెళ్లితే.. కర్ణాటకలో టీచర్స్ రిక్రూట్‌మెంట్‌ పరీక్షలు జరుగుతున్నాయి. ఆ పరీక్ష రాస్తున్న యువతి హాల్ టికెట్‌ను డౌన్ లోడ్ చేసుకున్న తర్వాత.. తన ఫొటోకు బదులుగా స్టార్ హీరోయిన్ సన్నీ లియోన్ అసభ్యకరంగా ఉన్న ఫోటో చూసి షాకైంది. దీంతో యువతి ఈ విషయాన్ని సోషల్ మీడియా వేదికగా పోస్టు చేసింది.  మరోవైపు హాల్ టికెట్‌పై మాజీ పోర్న్‌స్టార్ ఫొటోను ఎలా ముద్రించారంటూ కర్ణాటక కాంగ్రెస్ సోషల్ మీడియా చైర్‌పర్సన్ బీఆర్ నాయుడు ట్విట్టర్ వేదికగా ప్రశ్నించారు. అసెంబ్లీలో బ్లూ ఫిల్మ్‌లు చూసే మంత్రులున్న ప్రభుత్వం నుంచి ఇంతకన్నా ఏం ఆశించగలమని దుయ్యబట్టారు. నెటిజన్లు కూడా ప్రభుత్వంపై విమర్శలకు గుప్పిస్తున్నారు. దీనిపై స్పందించిన రాష్ట్ర విద్యా శాఖ విచారణకు ఆదేశించింది. అభ్యర్థి తమ సొంత ఫోటోను అప్‌లోడ్ చేస్తామని తెలిపారు.

ఇవి కూడా చదవండి : నగ్నంగా వీడియో కాల్స్.. ముఖం కనిపించకుండా అలా చేస్తూ వేధింపులు