జైపూర్‌లో హీరో శర్వానంద్ పెళ్లి సందడి షురూ.. హల్దీ (వీడియో)

దిశ, వెబ్ డెస్క్: టాలీవుడ్ యంగ్ హీరో శర్వానంద్ బ్యాచ్‌లర్ లైఫ్‌కు గుడ్‌బై చెప్పి ఓ ఇంటివాడు కాబోతున్న సంగతి తెలిసిందే. జనవరిలో ఆంధ్రప్రదేశ్ హైకోర్టు లాయర్ మధుసూదన్ రెడ్డి కూతురు రక్షిత రెడ్డితో శర్వానంద్ ఘనంగా ఎంగేజ్మెంట్ జరిగిన విషయం తెలిసిందే. అయితే వీరి పెళ్లి జైపూర్‌లోని ప్రసిద్ధి చెందిన లీలా ప్యాలెస్‌లో జూన్ 3న జరగనుంది. ఈ క్రమంలో వివాహ వేడుక నేపథ్యంలో హల్దీ ఘనంగా నిర్వహించారు. ఉదయం 11 గంటలకు ఓ శుభముహూర్తాన హల్దీ వేడుకలు జరిగాయి. ఈ విషయాన్ని శర్వానంద్ తన ట్విట్టర్‌లో హల్దీ వీడియోను షేర్ చేస్తూ తెలిపారు. ఇందులో శర్వానంద్ ముఖానికి పసుపు రాయగా.. శర్వానంద్ కూడా కుటుంబ సభ్యుల ముఖానికి పసుపు రాస్తూ సందడి చేశారు. ఆ తర్వాత స్విమ్మింగ్ పూల్ లో కాసేపు సందడి చేశారు.ప్రస్తుతం శర్వానంద్ హల్దీ వీడియో సోషల్ మీడియాలో చక్కర్లు కొడుతోంది.