మంత్రి గంగులకు ‘మర్కజీ మీలాద్’ ఆహ్వానం

దిశ, కరీంనగర్ సిటీ : మహనీయ మహమ్మద్ ప్రవక్త జన్మదినాన్ని పురస్కరించుకుని బొంబాయి స్కూల్ తరఫున నిర్వహించే ఆధ్యాత్మిక పవిత్ర పాదయాత్రకు ముఖ్యఅతిథిగా రావాలని మంత్రి గంగుల కమలాకర్‌ను మర్కజీ మీలాద్ కమిటీ సభ్యులు గురువారం ఆహ్వానించారు.ఈ సందర్భంగా మంత్రి గంగులను ఆయన కార్యాలయంలో మర్యాద పూర్వకంగా కలిసి మీలాద్ కమిటీ సభ్యులు ఆహ్వాన పత్రికను అందజేశారు. స్పందించిన మంత్రి ఖచ్చితంగా వస్తానని హామీ ఇచ్చినట్టు కమిటీ సభ్యులు తెలిపారు.

మున్సిపల్ కో-ఆప్షన్ సభ్యుడు అంజద్ అలీని ఆయన నివాసంలో మర్కజీ మిలాద్ కమిటీ సభ్యులు మర్యాద పూర్వకంగా కలిసి ఆహ్వానించారు. మంత్రిని, కో-ఆప్షన్ సభ్యుడిని కలిసిన వారిలో మీలాద్ కమిటీ అధ్యక్షుడు మౌలాన అలీముద్దీన్ నిజామీ, ప్రధాన కార్యదర్శి గులాం రబ్బానీ ఖాద్రీ, ఉపాధ్యక్షుడు ఫరీద్బాబా, సహాయ కార్యదర్శి మియభాయ్, సభ్యులు అస్మత్ అలీ, అంజద్ ఖాన్ ముజ్జు తదితరులు ఉన్నారు.