ఎర్ర జెండా

పుడమి తల్లి గర్భాన్ని చీల్చుకుంటూ.

భగభగ మండే

ఎరుపు రంగు నిప్పులు

చిమ్ముకుంటూ పుట్టిన సూర్యుడిలా

కోట్లాది కార్మికుల

రక్తపు మడుగుల్లోంచి

పుట్టిందా జెండా ఎర్రజెండా

ఎగురుతున్న ఎర్రజెండా

కోట్లాది కార్మికులకు అండ

భూస్వాముల గుండెల్లో

గుణపంలా దిగిన జెండా

క్యాపిటలిస్ట్ వర్గాల్లో

వణుకును పుట్టించిందా జెండా

ఎర్రజెండా

కార్మికుల్లో చైతన్యాన్ని నింపింది

కర్షకుల్లో కష్టపడే

తత్వాన్ని నేర్పింది

పోరాట పటిమను ఇనుమడింప జేసింది

ఎర్రజెండాను చూస్తే కార్మికుల్లో

రక్తం ఉరకలై పారుతుంది

రోమాలు నిక్క పొడుచుకుంటాయి

పోరాటం ఎక్కడుంటుందో

ఎర్రజెండా అక్కడుంటుంది

చీకటిలో బానిస బ్రతుకులకు

నిప్పులాంటి వెలుగు నిచ్చిందా జెండా

- కోనేటి నరేష్

84998 47863.