అచ్చుగుద్దిన‌ట్లు మ‌రో Elon Musk.. నెట్టింట చైనా మ్యాన్‌ హ‌ల్‌చ‌ల్‌! (వీడియో)
"బహుశా ఎలన్ 10 మంది పిల్లలలో ఇత‌ను ఒకరు" అని నెటిజ‌నులు చమత్కరిస్తున్నారు. The Chinese Elon Musk Seen in Viral Video.
దిశ, వెబ్‌డెస్క్ః ప్రపంచంలోనే అత్యంత ధనవంతుడైన ఎలోన్ మస్క్లా ఉండాలని చాలా మంది కోరుకోవ‌డంలో త‌ప్పులేదు. అయితే, ఆ అమెరికన్ బిలియనీర్‌లా ఒక చైనీస్ డూప‌ర్ ఉండ‌ట‌మే ఇప్పుడు ఇంట‌ర్నెట్‌లో అంద‌రి దృష్టినీ ఆక‌ర్షిస్తోంది. దీనికి సంబంధించి, ఇన్‌స్టాగ్రామ్‌లో ఒక వీడియో వైరల్ అవుతోంది. ఇందులో క‌నిపించే వ్యక్తి అచ్చం, అచ్చుగుద్దిన‌ట్లు టెస్లా CEO, స్పేస్‌ఎక్స్ వ్యవస్థాపకుడు ఎలన్ మస్క్లా ఉండ‌ట‌మే ఇందులో స్పెష‌ల్‌. 'homieisokotv' అనే ఇన్‌స్టా రీల్స్‌లో పోస్ట్ చేసిన ఈ వీడియోకు మిలియన్ల కొద్దీ వ్యూవ్స్‌, లైకులు వ‌స్తున్నాయి. ఇందులో ఎలోన్ మస్క్ లాగా జుట్టు, అతనిలా దుస్తులు ధరించిన వ్యక్తి ఉంటాడు. ఈ చైనీస్ ఎలోన్ మస్క్ 'టెస్లా'పై చేయి వేసి తనను తాను పరిచయం చేసుకుంటాడు. "హే, నేను యి లాంగ్ మా.." అంటాడు. అయితే, ఈ వీడియోలో ఉన్న‌ది ఎలన్ మస్క్‌కి డూప్ అని నెటిజన్లు స్పష్టంగా తెలుసుకున్నప్పటికీ, చైనీస్ వ్యక్తి ముఖం ఎలాన్ మస్క్లా ఉండ‌టం చూసి ఆశ్చర్యపోతారు. "బహుశా ఎలన్ 10 మంది పిల్లలలో ఇత‌ను ఒకరు" అని నెటిజ‌నులు చమత్కరిస్తున్నారు.